ZALEN Nov. 20, 2025 : MZP chuan November ni 19 , 2025 (Nilaini) chawhnu dar 3:30 khan Mizoram Chakma Student Union, Aizawl hruaitu te chu MZP PISAPUI-ah a ko in a titi pui.

MZP chuan tun hnaia Chawngte P - a football inkhelh a thil thleng leh a hnulam thil te chu tha an tih loh thu sawiin, hnam anga intihbuaina thleng fo thin chu thleng nawn tawhlo tura hma la turin a hrilh a, Chakma mipuite chu hetiang kawnga zirtirna tha in pe thin turin Mizoram Chakma Student Union kaltlangin Chakma mipuite chu an hrilh a ni.

Hei bakah hian Bangladesh atanga dan diklo taka lo lut te humhim lo turin an chah a, document lem nei tam tak an awm thu sawiin heng te hi ngaimawh turin leh thuneitute hnenah hlan thin turin an hrilh bawk a ni.

#ZalenNews