Aizawl: MZP General Headquarters thuchhuak angin Zirtawpni atang khan Vairengte check gate-ah MZP Sub Headquarters Vairengte hruaitute leh member te chu an duty tan.   Thudawn danin Vairengte check gate atangin tun thla August 1-15, 2018 chhung khan temporary ILP pek mi 3596 an awm a, hei hi ni khatah ILP hi hnam dang hnenah 239 pek chhuah ang a ni a. MZP-in a zirchian dan chuan Assam NRC avangin Mizoramah hnam dang lo lut an pung phah nasa niin a hria a ni.   Assam atanga lo lut Assam NRC a chuang lo te chu temporary ILP pek chhuah rem tih a ni lo a, thawn let nghal zel an ni a. A tul angin MZP chuan duty chhunzawm zel an tum a ni.