ZALEN September 02, 2026 : Mizo Zirlai Pawl (MZP) chuan vawiin khan hnamdang nupui pasal neilo tura inzirtirna hun an hmang.

MZP chuan kum 2015 atang khan september ni 2 apiangin "hnamdang nupui pasal neilo tura inzirtirna ni" hi anlo hmang tawh thin a, a vawi 12-na (kum 12-na) atan vawiin khan Aizawl khawpui school parukah leh district thenkhatah MZP Hqrs leh Sub-Hqrs bul tumin hnamdang nupui pasal neilo tura inzirtirna hun hman a ni 

MZP chuan Mizo te hi hnam tlem zawk kan nih avangin inneih pawlh avanga hnam nun leh identity bo thei lakah inven a pawimawh thu an sawi a, Tripura ram neitu Debarma-te chu minority dinhmunah ding tawhin an dinhmun ang chu Mizo te pawn kan tawh ve theih avangin, mahni hnam humhalh turin tun atangin inven a ngaih thu an sawi a.

Zirlai naupangte bakah nu leh pate pawhin an fate hnenah zirtirna pe thin turin an ngen a, Mizo hmeichhia te chu hnam kal zelna atana pawimawh tak an nih avangin hnamdang pasal nei lo tura fuihin, Mizo mipate pawh ruihhlo laka fihlim a, Mizo hmeichhe tana neih tlak leh innghahna tlak nih tum turin an MZP chuan an fuih bawk a ni.