Aizawl: Mizo Zirlai Pawl (MZP) chuan Manipur a buaina chhuak chu a chhuah hma atanga ruahman lawk ni ngeiah an ngai tih an sawi.

Nimin khan an pisaah Manipur-a Zohnahthlakte tanpuina atana vehbur khawn bultanna neih niin he huna thu sawitu, MZP President Lalnunmawia Pautu chuan Manipur-a buaina thleng chu an ngaihven zui reng tih sawiin he thil thlenga political party hrang hrang leh NGO-te tanrualna chu lawmawm an tih thu a sawi a. He buaina avanga thi, in leh lo halsak, ei tur nei lo mi tam takte chhawmdawlna atan vehbur an khawn dawn tih sawiin G-pay number 8575518037-ah pawisa thawh turin Mizoram mipuite an ngen tih a sawi bawk.

Zawhna chhangin MZP President chuan buaina thleng chungchangah Mizoram sawrkar chu che chak lo deuh nia an hriat thu a sawi a. Tun aia na zawkin chief minister chuan hma la se an duh tih a sawi bawk.