Aizawl: Ningani kalta a MZP rorelna sang Federal Council Sitting chuan Mizoram sawrkar pisa te tan hma anih theihnan hmalak an rel. Federal Council Sitting hi ‘Zofate Chawlhbuk’ Borapansury khua ah neih a ni a, October ni 15,2015 a MZP Assembly loawm tura agenda te an thlifim a, khawmpui hunah hian UPSC Civil Service Examination leh SSC hnalak ah Mizo tam zawk kan luh theih nan te; Zirna in hrang hrang a zirtirtu indaihlohna siamrem a hnawhkhah a nih theih nan te; CSIR UGC NET Examination Centre Mizramah dah anih ngei theih nan te; Mizoram sorkar hnuaia hnalak reng reng The Employment Exchange (Compulsory Notification of Vacancies) Act, 1959 hmanga kalpui anih theih nan te hmalak an remti a Hei bakah hian Mizoram chhunga hnamdang dan lova sumdawngte dapchhuah beihpui thlak chhunzawm te, Mizo tawng humhalh a, tih hausak a nih deuh deuh theih nana hmalak leh kum 2016-ah Zofate insuihkawmna inkhawmpui lian ZOFEST neih leh te an remti bawk. Sitting a thu sawitu MZP President Lalhmachhuana chuan MZP in zirlaite hamthat na tur leh ram leh hnam tan anih chuan kuanglo a neilo tih a sawi.