MZP-in ram tana thil tha tam tak a lo tih tawhte hre reng turin President-in zirlaite a chah

ZALEN July 30 2026: Mizo Zirlai Pawl (MZP) General Headquarters, Aizawl chuan vawiin khan I&PR Auditoruim, Treasury- ah Under Graduate (UG) Gold Medalist chawimawina leh MZP chhungkua, MZU SC, Students’ Bar Council, College SU, Hnampual hruaitu lawmpuina hun an hmang a, IPR&PS Minister B. Lalchhanzova chu Khuallian niin hmanpui.

MZP President Dr. C. Lalremruata chuan, Mizoram Govt. Adhoc Aided High School Teachers Association (MIGAHTA) ten an dinhmun ngai a awm phut a an nawrh mek thu sawiin, tuna school nuar mek ten nimin leh vawiin ah zirna in an khar avanga zirlai tam takin harsatna an tawh mek thu leh an harsatna sut kian anih vat theih nan sawrkar pawh hma la tur leh palai hna pawh MZP chuan thawh zel an in huam thu a sawi.

Remruata chuan, “Mizoram chhung leh pawnah pawh nise harsatna mizo ten kan neih chuan hma nasa taka an lak thin thu te, chung an thil that tih that hrang hrangte hre duh lova an thil tih dik loh pakhat vanga sawiselna tam tak awm thin chu tha a tih loh thu leh hruaitu hlui ten a ram leh hnam zirlaite tana thisen chhuak hial a lo beihna pawh zahawm hle a ni” a ti.

MZP President chuan Ram leh hnam in chhan a ngaihna apiangah Zoram mipui ten khawnge MZP an tih thin thu te, ramri buai, technical thil hrang hranga zirlaite’n harsatna an tawhin, MZP a chet chhuah thin thu leh kum 90 zet MZP-in a ram leh hnam zirlaite tana ke a penna kawngah tih dik tawklo leh tih fuh loh pawh a nei tawh ngei ang, chutihrualin ram tana thil tha tam tak a lo tih tawhte hre reng turin zirlaite a chah.

Election Commission of India in a Special Intensive Revision(SIR) a kalpui mekah MZP chuan theihtawpin hma a la mek a, MZP hmalakna avanga 2005 ah pawh mi sing chuang paih an ni a, 2005 atangin 2026 thleng a zirchianna an neih ah mizo khua-aa 100 zel a 15% chauh a an pun lain, Chakma khaw 50 chuangah chuan an punna chu 100-zel-a-130 vel an nih daih thu sawiin, heti tak mai a an pung hi a mak hle a, thil dik lo a awm ngei a rin thu a sawi a. Sawrkar official thenkhat pawh an hna thawk tha theilo khawpin an ruih thin thu leh document diklo a mi tam tak lo luh tum an awma hriat a ni bawk a, chutiang thil a thlen chhunzawm loh nan SIR 2026 kalpui meka hma la tu official te chuan dik taka hmala turin a chah bawk.

Khuallian IPR&PS Minister B. Lalchhanzova chuan, MZP chu pawl hlu leh hlun tak, Mizo Zirlaite Inpui a nih ang taka chawimawina leh lawmpuina hun a buatsaih chu lawmawm a tih thu a sawi a. Minister chuan pawl ang emaw mimal ang pawhin, harsatna leh buaina tawh chiahin, kan nihna tak tak a lo lang thin tih tarlangin, chutiang harsatna tam tak lo pal tlang tawh leh ram leh hnam hmasawn nana huaisen taka lo kal tawh thin MZP chu entawn a, mahni hma zawna tih tur awmte theihtawp chhuah leh huaisen taka ti thin turin Zirlai kalkhawmte chu a chah. Chawimawina leh lawmpuina thilpek dawng zawng zawngte chu an kal zelna turah duhsakna a hlan nghal bawk a ni.

He hunah hian Gold Medalist mi 4, SU Rank holder 5 leh University leh College zirlai hruaitu hlawhtlinna chang mi 64 hnenah lawmpuina hlan an ni :-

Gold Medalist

1. Arts Stream: Julian Lalfakzuala (Economics Dept.), Govt Hrangbana College

2. Science stream : Laltluangpuii Jongte (Physics Dept), Pachhunga University College

3. Social Work : David Lalrinsanga, Divine Mercy College

4. Home Science : R.S.Vanlalmalsawmi, Govt.Zirtiri Residential Science College

College SU Rank Holder:-

1. 1st Rank—Sociology

Jenny Lalremthiami, Debating Secretary,

Govt. T. Romana College

2. 7th Rank–Sociology

Lalchhanhimi, Secretary, Debating & Literary