ZALEN May 28, 2026: Mizo Zirlai Pawl (MZP) chuan, DP&AR (Civil Service Wing) in May 22, 2026 zirtawpni-a Mizoram Tourism Director charge la tura R. Lalrodingi a ruatna order chhuah nawn chungchangah, Mizoram sawrkarin he order hi a sut ngei theih nan, May ni 25-27, 2026 chhungin Tourism Dept. Pisa kai tur hlawhtling takin dan a ni, an ti.

MZP chuan, vawiin May ni 28, 2026 (Ningani) chu sawrkar chawlh anih avangin Tourism Pisa kai tur dang chhunzawm loin, hmalak zel dan tur ngaituahin meeting chawhnu dar 1:00 khan a ko a, R. Lalrodingi, Tourism Department Director post atanga a inhnuhdawh tak avang leh sawrkarin a pawm avangin meeting thulh nghal a ni, an ti bawk. 

Tourism Department Director rawih nawnna order sut anih theih nana hmalakna thlawptu Mizoram mipuite, Hnampual hruaitu, MZP chhungkua leh College SU hruaitute chungah MZP chuan lawmthu a sawi a, a bik takin thlawpna Press Release chhuahtu Joint Hnampual Students’ Organisation leh Mizo Hindi Zirlai Pawl chungah MZP chuan lawmthu a sawi a. 

Hun lo la kal zel turah hetiang thil hi thleng nawn tawhlo se a duh a, Pensioner rawih nawn (Re- Employment) emaw Service Extension hian thalai tam tak hna zawng mekte a dal thin avangin, hetiang system hi tha a ti ngai dawn lo a, a dodal zel dawn a ni. Zirlai hna zawng mekte ngaihtuah chunga sawrkar hi kal turin a ngen nghal bawk a ni, an ti bawk.