ZALEN Aug. 4, 2024; MZP Hqrs. Champhaiin naktuk (5.8.24) atangin zirna In zawng zawng leh sawrkar pisa kai tur dan a tum chu a kaltlangpui dawn a, bank leh OPD erawh a huam lo ang

Thuchhuah an siama an tarlan danin, Govt. Champhai College zirtirtu indaihlohna avangin August ni 2, 2024 ah Mizo Zirlai Pawl Headquarters Champhai chuan lungawilohna lantir in college zirtirtu leh zirlaite class kal tur dan a nih hnu ah, August ni 3, 2024 ah sawrkar nen inbiakna neih a ni a, sawrkar lam harsatna leh an tum dan te hrilh hriat an nih hnuah tun maiah chuan zirtirtu pek theih an nih loh thu hrilh an ni.

College-in zirtirtu an mamawh tawh dan te ngaihtuah a nih hnu ah executive committee-in ngun takin a ngaihtuah a, zirtirtu hnawhkhah hi thil theih nia a hriat avangin sawrkar ngenna zahawm a tih rualin thuchhuah an neih tawh angin lungawi lohna lantir chhunzawm nan, August ni 5, 2024 atangin zirna In zawng zawng leh sawrkar pisa kai tur dan a tum chu a kaltlangpui dawn a ni. (Bank leh O.P.D a huam lo ang)

Champhai-ah zirna in hma a sawnna tur a nih avang leh zirlaite hmakhua an ngaih avanga an hmalaknate tawiawm turin Champhai District mipuite an ngen a, an hmalaknate thlawp a pisa leh zirna In kai lui lo turin Champhai mipuite an ngen.