ZALEN June 30, 2026: MZP buatsaiha vawiina "Remna Ni" 2026 hmanna LPS Arena, Falkland-a thu a sawinaah MZP President Dr. C. Lalremruata chuan nakum 2027-ah chuan political party leh pawl thenkhat te 'Remna Ni' a hrana hmang tawh lo turin a ngen.

MZP President Dr. C.Lalremruata chuan, Remna Ni hman thin chu mizo mipui ten inremna aiin inhnialna chawkchhuaktu mai a ni dawna hria in MZP chuan kum 2017 khan Remna Ni hman a rel a, 2018 atanga hman tan a nih thu a sawi.

Dr. C. Lalremruata chuan, MZP kaihhruaina hnuaiah kum 2018 atangin Remna Ni hi hman tan a nih thu a sawi a, Sawrkar pawhin Program dang siamlo in he hun hi a pawm mai thin a ti. Remna Ni chu MZP-in hman zel an tum thu leh political party te leh pawl thenkhat te pawhin a hrana hmanglo hian nakum 2027 ah chuan Remna Ni a nih ang taka a huho a hmangho tur leh program dang siam lo turin a sawm a, a ngen nghal bawk a ni.

MZP President chuan tun dinhmunah Zofate chu khawvel ramri pathumin a daidang a, Mizoram state tih loh chu tunah hian buaina in a chim mek a. Inrem taka awm a, bil bil, bik bik awmlo in, Rinawmna chiabi inbuk tawna inrem turin a chah a ni.