Aizawl: Zirtawp zan khan Ignite Studio, Khatla-ah MZP Inter High School Quiz 2017 chu a kharna hun leh final match neih a ni a, MZP Inter High School Quiz 2017 kharna inkhawm hi Lalnunmawia Pautu; General Secretary MZP-in a kaihruai a, MZP Inter High School Quiz 2017 ah hian Mizoram hmun hrang hrang atangin school 13 an tel a ni. Kharna inkhawma thusawitu L. Ramdinliana Renthlei, President MZP chuan, “Zirlaiten |awng kan hman dik leh dik lovah hian mawhphurhna sang tak kan nei a, Facebook te, WhatsApp-ah te tawng dik hman a ngai a ni,” tiin a sawi a ni. MZP Inter High School Quiz 2017-ah hian Kid Care School chu Pakhatna niin, Rs. 30,000, Citation leh Trophy an dawng a. Pahnihna Living Water school an ni a, an ni hian Rs. 20,000, Citation leh trophy an dawng a. Pathumna Home Missions school an ni a, an ni hian Rs. 10,000, Citation leh trophy an dawng bawk a ni.&&&&&