Aizawl; Zirtawpni atang khan Mio Zirlai Pawl chuan Borapansury ah Zofate chawlhbuk sak hna an thawk tan. A bul tan nan a hmun tur hi JCB hmangin an lai zawl a, a building sakna tura bungrua pawh phurh thlen a ni tawh a ni. Thudawn danin Borapansury khuaah hian boruak tha lo a awm lemlo a, tluang takin hna thawh theih anih beisei a ni. Zofate chawlhbuk sak tur hi cement concrete in a dung 45 feet leh a vang 30 feet a sak tur a ni a, building chhawng hnih a sak tum a ni. MZP chuan Borapansury khuaa Zofate chawlhbuk an sak chhan ber chu pi leh pu ten an thlah kal zelte tana chenna tur ram, lu chhum ban chhum huam a an lo sah zau tawh sa humhalhna atan a ni, an ti.