Mi tam tak lunglentu la ni reng N-Dubz chuan re-union an sawi ri a, a hun tur erawh hriat a la ni lo. N-Dubz star Fazer chuan, "Hun tha a inher chhuah hunah band re-union hi a theng ang," tiin a sawi a, hun tha a tih hi engtik hun chiah nge ni ang tih erawh hriatthiam a har rih deuh. 

A hun laia 'Playing with Fire' lar zia hre phak chuan re-union hi an nghakhlel hle ang tih a rinawm a, Fazer, Tulisa leh Dappy te inkawp hmuh leh hi rimawi ngainatute nghahhleh tak a ni ngei ang. Fazer chuan re-union thleng tur hian record label te nena inremna neih kher loh pawhin harsatna a awm loh tur thlengin a sawi a ni - a hnai vai viau pawh a ni mai thei.  

N-Dubz hian kum 2011 khan kum hnih chhung atan chawlh an puang a, mahse hemi hnu hian band angin an che chhuak leh tawh lo. An studio album hnuhnung ber pawh 'Love.Live.Life' kha niin, 2010 khan an tichhuak - re-union hi a thleng a nih ngat chuan rimawi khawvel tan chanchin lawmawm tak a ni ngei ang le.