Zaithiam Sanam Puri leh Naga nula Zuchobeni Tungoe te chuan an inhual thu an puang. Delhi tlangval Sanam Puri leh hmarchhak nula Zuchobeni te hian Thawhtanni khan Instagram lamah an inual thu hi an tarlang a, lawmpuitu an ngah hle. 

Sanam Puri hi 'Sanam' band-a an lead vocalist a ni a, hriat pawh a hlawh viau - Instagram-ah pawh follower maktaduai khat dawn a nei. He tih lai hian Zuchobeni hi modeling lamah hriat a hlawh thung a, Kids for Fame 2011 winner a nih bakah, Miss Dimapur 2019 leh Miss Fashion Icon atan thlan a lo ni tawh bawk. Hetih rual hian modeling lam kalsanin zirna a chhunzawm thung a, Mumbai-ah Mass Media a zir mek a ni. 

Kum 25 mi Kohima nula hian zai lam pawh a tuipui hle a, a zai hi YouTube-ah mi maktaduai chuangin an view tawh nghe nghe. Kum 30 mi Sanam Puri hi New Delhi-a piang a ni thung a, zai lamah hming a chher hle.