Aizawl; Mizoram Larsap atana ruat thar Dr. Krishan Kant Paul chu naktip Thawhlehni chawhma dar 11 hian Raj Bhavan Durbur Hall-ah Mizoram larsap atan lakluh a ni dawn. Dr. KK Paul hi Meghalaya Governor ni mek a ni a, central sawrkar chuan Manipur leh Mizoram Governor hna hmui turin a ruat a, naktuk ah Manipur Governor atan lakluh a ni ang a, naktip ah Mizoram Governor atan lakluh a ni ve leh ang. Dr. Krishan Kant Paul hi IPS officer pension a ni a, 6.2.1948 khan a piang a, kum 1970-ah IPS a zawm a, Delhi Police Commissioner a nih laiin kum 2007 khan a pension-a, a pension hnu hian kum 5 leh a chanve chhung, Union Public Service Commission-ah member a ni.