ZALEN September 22, 2024 : Mizoram PWD thawktute chuan harsatna dang a awm loh chuan Mizoram châk lakna ber, National Highway 06, Kawnpui leh Khamrang inkar kawng chhe zual lai chu siam that thuaia September 23, 2024 hnuah chuan lirthei lian zawh thei tura siam zawh hman an tum.

Thudawn danin Kawnpui leh Khamrang inkar kawng chhe siamtute hi group li-ah inthenin JCB panga, road roller pali leh excavator te nen inchhawpin chhun zan zawmin ngawrh takin an thawk mek a ni.

PWD hotute chuan kawng hi a chhiat em avangin hna a tam a, tunah chuan an thawk tluang rih viau a, ruah tui a tla leh a nih loh chuan kar lehah chuan kawng hi hawn theih beisei a ni tih an sawi a, hetihlai hian hman hmawh taka hnathawk an nih avangin kawng mam tha tak erawh beisei theih a ni rih dawn lo tih an sawi.