Japanese tennis star Naomi Osaka chu a ruak tlat lo mai le - a kawppui American rapper Cordae lakah an fa pakhatna tur a pai mek. Osaka hian Thawhlehni khan social media lamah thlalak a pholang a, a dul pawh a puar ve viau tawh mai. 

Kum 25 mi Osaka hian Japan-a kawtthler pakhatah thla a la a, hei hi Instagram lamah a pholang - jeans, beige leh gray sneaker te a inbel. Osaka hian IG-ah hian follower maktaduai 2.7 chuang a nei a, nau a pai tih thlalak hmanga a pholan pawh hian duhsaktu a ngah hle. 

Grand Slam vawi li champion tawh Osaka leh kum 25 mi ve bawk rapper Cordae te hi hun eng emaw chen an lo inzui tawh a, thla khat liam ta vel khan an fa hmasa ber tur an pai thu hi a darh. Mahse an thlalak hmuh tur a awm mai lo a, thla khat vel hnuah Osaka chuan a rawn pholang ta nge nge a ni.

Osaka hian a rai thu a tarlan hmasak ber hian naute pa a tarlang lo a, mahse a thu puangtu chuan Billboard hnenah naute pa chu Cordae a nih thu a lo sawi tawh a ni.