Australian actor Chris Hemsworth chuan 'Thor' filma a chanpui Natalie Portman chu sa ei lo a nih avangin an in kiss dawnah pawh sa a ei lo tih a sawi chhuak. An chan dunna 'Thor: Love and Thunder' chu thla hmasa mai khan tlangzarh a ni a, tunlaia film lar leh en hlawh ber a ni mek.  

He film-ah hian Chris Hemsworth hi Thor lemah a chang a, Israeli-born American actress Natalie Portman hi Jane Foster lemah a chang thung. An pahnih hian an film tih lar nan UK-ah interview an nei a, hemi tum hian Chris Hemsworth hian an in kiss dawna sa a ei loh thu hi a sawi chhuak a ni. 

Natalie Portman hi a chanpui Chris Hemsworth chungchang an zawt a, a fak thiam khawp mai. Kum 41 mi lai ni ve tawh Natalie Portman chuan, "A fel tak zet, mipa tha tak a ni. Kiss scene kan chan dawn khan zingah sa a ei lo a, a chhan chu vegan ka nih vang a ni," tiin a sawi. "Chris hian darkar chanve dan velah sa a ei thin a, mahse keimah vangin a ei lo thak. Amah hi mi fel leh hawihhawm tak a ni," tiih a chanpui hi a fak hle. 

CNN-in a tarlan dan chuan Chris Hemsworth hian a taksa hrisel nan ni katah chaw vawi 10 a ei thin a, ni khatah sa 4500 calories vel a ei ziah bawk. Mizote angin vawi leh khatah a ei ve vak lo tihna a nih chu -  tlem te tein a ei a, a ei zing thung a ni.