ZALEN, Nov. 29, 2024: Basketball Federation of India (BFI) buatsaih, 39th Youth National Basketball Championship (Men & Women) khelh mekah Zirawtpni tuk khan Mizoram mipa team chuan chuan Goa an hneh.

Kolkata, West Bengal-a West Bengal Basketball Association (WBBA) Ground-a inkhelah hian Mizoram rawltharte hian 45-22-in an tumpui hi an sawp.

Ram pum huapa kum 16 hnuai lam inelnaah hian Mizoram hian Inrinni tukah Puducherry an hmachhawn lehnghal dawn a ni.

WBBA Ground bakah Howrah-a Damurjala Indoor Stadium-a inelna kalpui mekah hian state/union territory 29 an tel a. Mizoram hi Group C-ah Goa leh Puducherry bakah Bihar leh Delhi an awmpui.

Mizoram rawltharte hi player 12 leh anmahni hruaitu pathum an ni a. Inelna hi Ningani thleng khelh tur a ni.