Goa-a October 25 leh November 9, 2023 chhunga National Games 2023 neih turah Mizoram Basketball Association (MBBA) atangin official turin mi pahnih thlan an ni.

MBBA president ni lai, R.Lalnunpuia chu Goa 2023-ah hian jury member atan ruat niin MBBA-in panel A referee a neihchhun ni mek, Lalhmunsiama Ralte chu 3x3 (player pathum ve ve-a basketball khelh)-ah match official turin ruat a ni bawk.

Hetih rual hian MBBA sr. vice president, Basketball Federation of India (BFI)-a vice president ni bawk, Dr. Lalrinawma Hnamte pawh BFI Technical Commission Member atan ruat thar a ni bawk.

MBBA-in Pathiannia thuchhuah an siamah ram pum huapa a vawi khat nana an mi leh saten chanvo sang an nei chu an lawm hle tih an sawi a, an kal zelna turah duhsakna an hlan bawk.

Kumin games-ah hian India-a state 28 leh union territory pariat bakah Indian Armed Forces tel tura ngaih niin infiamna chi hrang 43 hmangai nelna aawm ang.