ZALEN, December 20, 2025: Thawhtanni hi National Mathematics Day a ni a, he mi ni lo thleng tur pual hian Inrinni khan Pachhunga University College (PUC)-a Seminar Hall-ah hun hman a ni.

National Mathematics Day 2025 hmanna hi PUC-a Applied Mathematics & Statistics Department, Mizoram Science Technology & Innovation Council (MISTIC) leh Mizoram Mathematics Society (MMS) huaihawta hman a ni.

MMS President Prof LP Lalduhawma kaihhruaia hun hmanaah hian 17th State Level Mathematics Competition, 2025-a ti thate hnenah lawmman sem a nih bakah Mathematics-a Ph.D hmu tharte lawmpuina hlan an ni.

Er H Lalsawmliana, Chief Scientific Officer, MISTIC-in thu a sawi bakah Dr Lalrinpuia Tlau-in Srinivasa Ramanujan chanchin leh mathematics-a a tha thawh chanchin te a sawi.