Aizawl November 22, 2024 : Kumtina an tih thin angin Mizoram State Council for Child Welfare (MSCCW) chuan National Painting Competition chu vawiin November 22, 2024 khan P.C Girls School, Mission Veng-ah neih a ni. MSCCW-in hetiang Competition a buatsaih vawi 15-na a ni a, naupang 200 chuang an tel a ni. MJA President C. Lalrambuatsaiha chuan he hun hi a hmanpui.

He lemziak/cheimawi inelna hi Group 4-ah then niin Green Group kum 5-9 inkar, White Group kum 10-16 inkar te leh VOHBIK naupang te tan Yellow Group kum 5-10 inkar leh Red Group kum 11-18 inkar te tan siam a ni bawk.

Group tina naupang panga ten Lawmman sumfai leh Certificate an dawng a. Naupang inelnaa tel te hi an lemziakna tur pek an ni a, chhuna an ei leh in bakah DA pek an ni bawk.

Mizoram atanga lawmman 1-3 dawngte lemziak hi Indian Council for Child Welfare, N. Delhi ah State danga lemziak te nen thawn khawm a ni ang a, chuta lawmman dawng phate chu N. Delhi ah an kal leh haw, ei in tumsakin lawmman dawng turin an kal ang a, kum 18 an tlin thlengin scholarship pek an ni bawk ang.