ZALEN March 16, 2026 : Health Minister Lalrinpuii chuan tun hnaia a bial chhunga nau chunga thi, F. Lallawmkimi, 31 w/o PC. Lalremruata, Zobawk Venghlun, a nau pai avanga Civil Hospital, Lunglei OPD-ah a inentir a, darkar 4 vel hnua pawnlam thingpui dawr inthiarna bula nau nei, March 12 tlai dar 6:30 Pm vel a thi zui ta thih dan chungchangah a ngaihdam a dil.

MUHCS 2.0 hawnna inkhawm vawiina neiha Khualzahawm, Health Minister Lalrinpuii chuan, tun hnaia a bial chhunga nu nau chunga thi chanchin chuan a rilru a tihhrehawm thu leh thihna tuartute a lainat thu a sawi a. Damdawiin lam tanpui ngai ngawih ngawih an lo hnar mai chu a lungchhiatthlak a tih thu a tarlang. Health Minister a nih angin ngaihdam a dil a. Inquiry lak mek a nih thu a tarlang.

F. Lallawmkimi naute hi NBCU-ah a tlai-ah hian dah luh nghal niin warming care tih nghal a ni a, mipa niin a pian a tha a, dah luh a nih lai hiansucking a normal a, a lungphu pawh normal range niin Kg 2.700 a rit a ni a, fufe kim a piang a ni a, damdawiin an thlen hian a laihrui a lo bung tawh a, Nestogen pe in NBCU-ah hian enkawl a ni.