Aizawl: Kumdang an lo tih thin angin nimin khan Lunglei District huam chhunga Muallianpui Hmar veng Branch YMA chuan an ram chhunga Nauban an humhalhna hmun ‘Samthelh hmun’ sam fai hnatlang an nei a, mi 50 vel an thawk chhuak. Hnatlang te hian hmun danga Nauban bo thlau mai turte la khawm in helai hmun a thing ah an tawn bet tha a, a awmsa te an siamtha bawk. Thudawn danin tunlai hi Senhri par vullai a ni a, a nalh thei hle. Muallianpui Hmar veng Branch YMA te chuan an Nauban humhalhte mi tuten emaw a ruka lo la thin an awm chu pawi an ti hle tih an sawi a, tun hnu ah chuan hetiang thil a thleng leh anih chuan na zawk a hmalak an tum thu an sawi. Lunglei DFO Lianmawia chuan Muallianpui Hmar veng Branch YMA ten Environment humhalhna kawnga an hnathawh chu fakawm leh entawn tlak a tih thu a sawi.