October 16, 2023; A thianpa tuia tla chhanchhuah a tumna lama nunna chan ta, Leo Lalchhuanmawia (Kum 3 leh thla 11), s/o R. Zoramchhani, Sairang naupang huaisenna leh a thianpa tana a inpekna ropui a tih thu leh a chhuan tak zet thu chief minister Zoramthanga'n a official instagram page ah a tarlang.

CM in a tarlan dain, "October 14, 2023 khan Leo hian a thianpa, Jerome Vanlalhlua swimming pool-a tla a chhanna lamah a nunna a chan hi pawi ka ti em em a. Pathian angchhungah thlamuang takin chawl sela, a kalsan tak a nu leh a chhungte pawh Pathian thlamuanna leh awmpuina kan dilsak a ni," a ti.

Leo thianpa, Jerome Vanlalhlua Pathian zara chhanchhuaha a awm a lawmpui thu leh, Pathianin tichakin, hriselna tha tak nen kaihruai zel se tiin duhsakna a hlan bawk.