ZALEN Sept. 30, 2024; Mizoram Baptist Kohhran (BCM) hnuaia naupang inkhawmpui kal haw lam chuanna pick up chesualah mipa naupang kum 10 mi a thi.

Mauchar atanga ZALEN thudawn danin, September ni 28-29, 2024 khan BCM Sakawrdai Pastor bial a Kristian Naupang Pawl (KNP) ten Zohmun-ah naupang inkhawmpui an hmang a.

Heta an kal haw lam hi BCM Mauchar KNP te chuanna pick up chu nizan dar 11 rik hma deuh khan Mauchar khaw chhungah a chesuala, a hmunah Benjamin Lalrimawia (10) s/o Lalsiamkima (driver) a hmunah a boral a, midang 7 in hliam an tuar bawk.

Chetsualna a boral Benjamina hi nizan khan tlaivarpui niin, he thu ziahlai hian Sakawrdai CHC-ah postmortem tih mek a ni.