1. Ui
An fin leh mihring an ngainat vangte pawh a nia nga, ui hi khawvel-a ran khawi tam ber an ni. USA-ah ringawt khuan Ui 48,255,413 bawr vel an vulh. 

A thatna
Ui leh naupang inlaichinna leh kungkaihna hi a tha thei hle a, chu thu chu khawvel hmun hrang hranga pet lover te pawhin an pawm. Ui te hi an  duhawm bakah an ngilneiin an zaidam a, in leh pawn lamah thian leh kawppui tha tak angin a enkawl theih. Ui hian naupang an infiampui theih bakah a neitute lakah ngat phei chuan an rinawm thei em em a ni. 

A that lohna
Ui hi chawm hautak ve tak an ni a, Ui tha leh fing tak ni tur chuan buaipui leh training pek that ve an mamawh hle. Ui te hian infiam an ngainat rual hian thin thawh thut chang an nei thin a, an mi huat zawng seh mai an ching bakah an pi/pu te ngei ngei pawh beih mai hreh loh chang an nei ve fo. 

2. Zawhte

Zawhte hi an duhawm bakah chhungkaw member dang nen pawh inrem takin an khawsa thei. US-ah ringawt pawh khuan Zawhte hi 31,896,077 vel bawr an vulh a ni.
 
A thatna
Zawhte te hi Ui angin an harh ve zawk zawk lo va, mahse naupang ran ngaina mi tan chuan kawmngeih thei tak an ni. Zawhte te hi enkawl an hautak lo bakah an mahniin an ei tur an zawng thei a, an intodelh ve thei viau. 

A that lohna
Zawhte te hi Ui ang lo takin mahnia tlahrang chi an ni a, ei tur tha an hmuhna a nih phawt chuan a neitute lakah pawh rinawm hleithei lovin an rawl bo fo thin. Zawhte vang hian naupangin allergy leh ashma an neih phah thei. Zawhte te hi an zawiin an ngui thei hle a, hei vang hian an duh loh zawnga chhaih palh chuan anmahni inven nan mi beih mai pawh an hreh lo. 

3. Sava

Sava te hi an rawng nalh tak vang hian an mawi a ni satliah lo va, an hram mawi tak chuan mihring nunah hlimna leh phurna an thlen thei. 

A thatna
Naupang tam tak chuan mahni ran vulhte ngei pawh, mahni kut ngeia khawih bawrh bawrh hi an duh lem lo. An mahni khawih lem lo pawhin an chevel enin an hlim ve em em thin. Chutiang naupang nei tan chuan sava hi khawi chi tak an ni. An hram mawi tak hian naupang a aikaih hial thei a, tin an bawmah harsatna siam lovin tlei takin an khawi mai theih. 

A that lohna
Sava khawia training pek vel hi hun heh leh dawhtheih ngai tak mai a nih vangin naupang dawhthei leh hun ngah tan lo chuan a buaithlak thei. Tin, sava bawm tihfai hi thil ninawm tak a ni bawk. 

4. Sangha
Sangha te hi zaidam, nunnem leh bengchheng lo tak an nih bakah in cheimawi nan pawh an tha em em. US-ah ringawt pawh khuan Sangha hi 1,047,500 vel bawr vulh anga chhut a ni.
 
A thatna
Naupang tam zawk hi chuan an ran vulhte bengchheng hi an ngaithei lo va, sangha te hian bengchheng an siam ngai ve loh vangin an tha phian. An tui leh chaw ei tur hun bi neia pek leh thlak sak an ngaih vangin naupang tana an tih ve theih tawk hna siam sakna remchang tak a ni thei. Sangha rawng mawi tak te hian naupang nun a ti hlim thei bawk.

A that lohna
Sangha chi tha ho hi chuan chaw an duh tuiin ei hun bi te hi an nei ve thlap thin a, tin chaw hi duh zat zat pek ngawt pawh a tha ber chuang lo. An awmna bawm tihfai ve reng a ngaih vangin thil ninawm tak a ni ve thei.