DOWNLOAD OUR APP

Read latest news on your phone
app-store

NCT (Neo Culture Technology)

May 01, 2022

NCT tia kan hriat lar hi South Korean boy band hi January 2016 a din kha niin, member 23 an awm a, An group hian an unit hmasaber, member te an inthlak kualna NCT U chu April 9, 2016 khan an din a, double digital single The 7th Sense leh 'Without You' chu an ti chhuak tawh a ni. Hemi hnu hian Seoul behchhana hmangin sub-unit NCT 127 chu July 7, 2016 khan an din leh a, chumi hnuah rawlthar hlang awmna NCT Dream chu August 24, 2016 khan an ni leh a, digital single 'Chewing Gum' chu an din zui leh bawk. January 17, 2019 China behchhana siam, member pasarih awmna sub-unit WayV chu an din leh bawk a, single album The Vision chu an tichhuak tawh. NCT hian ram danga sub-unit din leh tumin hma an la mek a, United States behchhana din tur hi NCT Hollywood tih a ni ang.

Neo Culture Technology, NCT tia kan hriat lar hi South Korean boy band, SM Entertainment hnuaia awm an ni a, January 2016 a din kha niin, member 23 an awm a, teens atanga kum 25 bawr vel an ni ber a, anni hi sub unit li-ah an inthen a ni.

An group hian an unit hmasaber, member te an inthlak kualna NCT U chu April 9, 2016 khan an din a, double digital single The 7th Secse leh 'Without You' chu an ti chhuak tawh a ni. Hemi hnu hian Seoul behchhana hmangin sub-unit NCT 127 chu July 7, 2016 khan an din leh a, chumi hnuah rawlthar hlang awmna NCT Dream chu August 24, 2016 khan an ni leh a, digital single 'Chewing Gum' chu an din zui leh bawk. January 17, 2019 China behchhana siam, member pasarih awmna sub-unit WayV chu an din leh bawk a, single album The Vision chu an tichhuak tawh. NCT hian ram danga sub-unit din leh tumin hma an la mek a, United States behchhana din tur hi NCT Hollywood tih a ni ang.

Heng sub-unit te hi a hranpa ngata promotion nei an ni chungin NCT ang hian tum thum an thawkho tawh a, album pathum, Empathy (2018), Resonance (2020), leh Universe (2021) te an tichhuak tawh a, Resonance phei hi chu copy maktaduai 2.6 hnih an hralhchhuak a, SM Entertainment in physical album an tihchhuah hnem ber a ni, hei vang hian Grans Daesang Award chu 2020 khan Asia Artist Award-ah an dawng a ni. 

January 2016 khan SM Entertainment Lee Soo-man chuan SM Coex Atrium-ah 'SMTOWN : New Culture Technology 2016'  chu chhawpchhuakin boy group thar din dan tur a ruahman a, an culture mila kalpui chu a tum ber a ni, member pawh bituk awm lovin an din a, a hnuah an group hming atan NCT chu an phuah zui ta a ni. NCT hi 2014-a din Red Velvet hnua SM Entertainment idol group neih leh hmasakber an ni a, 2012-a Exo in debut an neih hnua boy group an din leh hmasakber a ni bawk. 

SM Entertainment hian he group hi 2016-ah khan din chauh mahse, member thenkhat te erawh naupang an nih lai atanga he entertainment industry a lo awm tawh te an ni a, Jeno leh Jisung te hi naupang an nih lai atanga an hnuaia lo tal tawh an ni. Chenle hi Chinese music lama singer ang lo tal hrep tawh niin, album pathum a tichhuak tawh a ni, 2011 khan Yuta hi Japan-a zai intihsiakna a lo tel tawh a ni. Ten hi Thai TV Show Teen Superstar-ah TNT tih hming pu-in an lo inlan tawh a, Xiaojun pawh hi zai intihsiakna X-Fire a zai tawh bawk a ni.

Johnny, Yuta, Ten, Mark leh Renjun te hian company hi SM Global Auditions hmangin an zawm a, a dang ho hi chu hmun hrang hranga an chetvelna avang te, mi thenkhat sawipui avanga te leh show an inlanna a an chetthat avanga an lak te an ni hlawm. An member ni lai 23 zinga 19 te hi chu SM Rookies atanga an chher chhuah vek an ni. NCT member atana hming lang hmasaber te chu Taeyong leh Jeno. te hi an ni a, a dang member 16 te hi SM Rookies kaltlanga January 2016-a lakluh te an ni.

Share now