Zirtawpni zan khan 72nd Senior Nationals North East Basketball Championship, Mizoram-in a thlen chu khelh zawh a ni a, mipa team-ah Mizoram team an champion a, hmeichhe lamah Assam nula te an champion thung.

North East champion hian National Championship, Udaipur-a khelh turah North East ai an awh dawn a ni.

Mipa team te hian game thum theuh an khel a, Mizoram mipa team hian game thum khelah an khingpui te an hneh vek a, an game hmasa berah 91-51 zetin  Maghalaya an hneh a, an game hnihnaah Assam hnehtu 93-58-in Nagaland an hneh leh a, an game hnuhnung berah team tha Assam chu 101-64 in an hneh leh bawk a, mipa champion an nih theih phah. Meghalaya mipa team chu pahnihna an ni thung.

Mizoram hmeichhe team te erawh an chetha lutuk lo va, game thum khelhah vawi hnih an tlawm a, an game hnuhnung berah 60-37 a Manipur hnehin, pathumna dinhmun an hauh. Maghalaya hmeichhe team te an champion a ni.  

He Championship hi Mizoram Basketball Association (MBBA)-in an thleng a,  Hawla Indoor Stadium-ah September thla ni 13 atanga ni 16 thleng khan khelh a ni a, NE state 6 atangin  Meghalaya, Assam, Arunachal Pradesh, Tripura, Nagaland leh Manipur te an lo tel a ni.