Aizawl: Nimin khan Union Home Minister Rajnath Singh hovin Guwahati a Assam Adminis trative Staff College-ah hmarchhak state 8 Chief Minister ten meeting an nei a, hmarchhak bial himna chungchang an sawiho. Meeting a thu sawitu Chief Minister Lal Thanhawla chuan Mizoram chu state ralmuang tak ni mah se Manipur state a inkhuar, Hmar Peoples’ Convention (Democratics) inti ten pawi an khawih thin tih sawiin 2015 March ni 28-a Assurance Committee member te Zokhawthiang bula lambunnaah police 3 thata 6 in hliam thu thukhawm te chu a hrilh a. “Assam leh Manipur sorkar in Mizoram police te zalen taka an chet vel phalsak a tul a, Mizoram chu international border 722 KMs a thui nei a nih avangin NE state thenkhata hel pawl ten silai leh thil dang tawlhruk nana an hman thin thu leh an chet velna chu enthlak reng an ni,” a ti bawk a ni. Home Minister hi DoNER Minister Dr.Jitendra Singh leh MoS for Home Kiren Rijiju ten an tawiawm a ni.