Aizawl; Chief Minister Lal Thanhawla chuan, "Independence hmalam hunah te chuan Asia chhimchhak ram te nena insumdawnna bulpui ber chu Kolkata a ni thin a, chunglai hunah chuan kan ziaawm ve hle a. Independence hnu lamah ngaihthah kan ni ta a, hma kan sawn chaklo hle a ni," a ti. He thu hi nimina Confederetion of Indian Industry (CII) huaihawt Infra East 2015, ITC Sonar, Kolkata ah neih sawiin Chief Minister Lal Thanhawla chuan India hmarchhak bial chu hmasawnna hnain a mamawh em em infrastructutre hrang hrang a tlakchham avangin India hmun dang te aiin a hnufual bik hle tih a sawi a. Hmasawnna ruhrel hrang hrang - kawngpui siam ah te, rel leh thlawhna lamah te, telecommunication ah te leh thil siam chhuahna tura industry din thu-ah te ngaihven a mamawh a, heng hmasawnna mamawh tul zual bikte hi sorkar leh hmasawnna duhtu CII te hian hma la se tiin ngenna a siam nghal a ni.