DOWNLOAD OUR APP

Read latest news on your phone
app-store

NE NGO whattsapp no tlangzarh

Oct 16, 2016

NE NGO whattsapp no tlangzarh

Aizawl: Delhi a hmunpui nei North East Helping Hands chuan chhiatna a thlena hmalak zung zung a awlsam theihna turin mitlawmngaite chu he NGO din thar hi zawm turin Delhi Police IGP chuan thuchhuah  siamin phone number in register na tur a tlangzarh bawk. Helping hands hi Hmarchhak  zirlai leh eizawngte’n an chenna India khawpuiah thamrum thawhna nitin deuh thawa an tawh vangin khawpui 22 a din a nih tawh thu Nodal Officer for North East People, IGP office Delhi atangin Zalen chuan thu a dawng bawk. Thudawnna in a tarlan danin tunah hian vounteer 120 chuang khawpui 22 atangin an inziak lut tawh a. ‘India khawpui hrang hrang atangin volunteer kan mamawh belh a, hming, mobile number, kum, zirlai/hnathawh, khaw awmna  te  chu 9810083486 ah whattsapp in thawn tur a ni,’ tiin IGP, Delhi Police chuan Zalen a hrilh bawk. India khawpuiah hian NE mite thinhrik an hlawh fo avangin tan rual a tul hlea hriatna a lian a, social media group ah leh theih dan danin theh darh turin IGP office chuan Hmarchhak mite a ngen bawk a ni. Delhi Police a NE mite tan 2014 khan unit siam a ni a, chumi hnuah Nodal officer atan Hmarchhak mi IPS dah niin social media hmanga inzawmkhawm dan beihpui an thlak tan a ni. Delhi damdawi In 51 ah NE concession leh AIIMS ah Hmarchhak mite tan Blood Bank an siam tawh bawk a ni. NE Delhi Police hi North East Council hmalakna a ni.
Share now