Aizawl: Planning & Programme Implementation Department (P&PID) chuan New Economic Development Policy (NEDP) – Comprehensive Growth Strategy for Mizoram hnuaia scheme, project leh policy agenda kalpui mek a nih dan thuchhuah siamin a tarlang. Infrastructure Development Sector leh Infrastructure Development (operation and maintenance) atan Rs nuai 9,100 dah a ni a. Hemi hnuaiah hian Agriculture Link Road siamna turin Rs.nuai 2600, Composite Improvement of Infrastructure in Villages atan Rs. Nuai 2000, Urban Infrastructure atan Rs. Nuai 1500, Tui Supply-na atan Rs. Nuai 500, Power & Electricity atan Rs. Nuai 500 te dah a ni. Operation and maintenance atan bik hian Rs nuai 2000 dah a ni bawk. Industry-Manufacturing sector ah Rs Nuai 1,081.02 dah niin hei hi 3 a then a ni a, Entrepreneurs Development scheme atan Rs. Nuai 200 dah niin nodal department atan Mizoram Entrepreneur Development Monitoring Committee, P&PID dah a ni. Thenzawla Handloom Export Facilitation Hub atan Rs Nuai 722.10 leh Skill Development Centre, Lunglei atan Rs. Nuai 158.92 dah a ni a, nodal department atan Commerce & Industries Department chu dah a ni. Referral Hospital, Falkawn tih chantlunna tur project pawh pawm tawh niin, DPR buaipui mek a ni a. NLUP Convergence atan Horticulture link road siamna tur leh NLUP kalpui zel nan Rs. 3200 lakhs pawm fel tawh niin Planning Department thu chhuah chuan a tarlang bawk.