Aizawl: Lalsawta, Planning Minister chuan khawpui chhunga  hlawhtling te chu Hotel Floria-ah kokhawmin economic policy ah theih tawp chhuaha tel turin a sawm a. NEDP chu sawi fiahin eizawnna lama theihtawp chhuah mi tang te puihna a nih thu a sawi a; hetih rual hian competitive pricing chu khawvel kalphung a nih thu a sawi bawk. Lalsawta chuan Zoramin a tha siamchhuah te chu  man to taka hralh aiin  tlawm zawka hralh theih  (competitive pricing) lama intlansiak a tul a tih thu a sawi a. “Market inhumhalhna tha ber chu kan competitor te thil siamchhuah hralhna mana kan khum hi kan invenna tha ber niah kan ngai a ni,” tiin a sawi a ni. NEDP chuan beneficiary a zawn dawn loh thu te, sum in pek a awm loh tur thute Minister chuan a sawi a. Sawrkar chuan facility - kawngpui, khawl leh mamawh intawmin a thuam thung dawn niin a sawi a. Sawrkarin facility a pek te chu sawrkar tan enkawl a buaithlak a mimal kutah dah a nih tur thu sawiin NLUP chu rethei zual bik te chhawmdawl nan hman zel tum a nih thu a sawi bawk a ni. Dr C.Vanlalramsanga Planning Secretary chuan NEDP hmanga hmalakna sector hrang hranga thensawm dan leh kutthlak a nih tawh dante a sawi fiah bawk a ni. Ningani zana intawhkhawmnaah hian entrprenuer hlawhtling thenkhat atangin rawtna leh harsatna an tawhte sawikhawm a ni a; sawrkar lam chuan chung te chu a chhinchhiah bawk a ni.