Tokyo Olympic-a India tana gold medal khaw chhuaktu Neeraj Chopra hming sawi a bang thei lo - a chanchin tarlanna film siam tumin hma lak mek a ni. 

Olympic gold medalist Neeraj Chopra hi tun laia hming langsar ber tih ngam a ni a, film siamtu lam ten a biopic siam tuma hma an la pawh hi thil mak a ni lo. Akshay Kumar chu Neeraj Chopra lemah hian a chang dawn niin an tarlang a, chak takin ruahmanna kalpui mek a ni. 

Neeraj Chopra hian kum 2018 khan ama lem chang tura a duh mi pahnih hming a lo lam ri tawh a, chung mite chu - Akshay Kumar leh Randeep Hooda te an ni. Bollywood superstar Akshay Kumar hi tunah chuan Neeraj Chopra lema chang tura hming langsar zawk a ni a, a inlan ngei pawhin a rinawm.  

A biopic siam an tum hmasak hian Neeraj Chopra chuan, “Ka biopic chu la siam suh u. Infiamna lamah ka la bei zui zel dawn a, thawthu ngaihnawm zawk ka ziah belh dawn a ni. Medal tam zawk lak ka duh a, ka game-ah insawrbing ka la duh a ni. Infiamna ka chawlhsan hunah kan la siam zawk dawn nia,” tiin a sawi a, a thusawi hi a thleng dik chho mek zel. Tunah chuan a chanchin ngawihnawm zawk nen a biopic film siam lam an sawi ri leh ta.