ZALEN September 03, 2026 : Supreme Court chuan NEET zawhna put ru kaihhnawiha lungawilohna lan tirnaa kal zirlaite laka FIR ziah luh zawng zawng a thiah sak.

Supreme Court chuan Thawhlehni khan NEET zawhna put ru kaihhnawiha, July 20-25 inkara ramchhung hmun hrang hrang a lungawilohna lan tirnaa kal zirlaite lakha FIR ziah luh zawng zawng chu a thiah sak a, chhuizui a, bawhzui tawh lo turin hriattirna a pe. Hei hi zirlai te hmakhua tur an ngaihtuah vang niin an sawi.

Chief Justice Surya Kant, Justice Joymalya Bagchi leh Justice V Mohana te chuan he thubuai hi an ngaihtuah a, Solicitor General Tushar Mehta chuan NEET UG-2026 exam cancel vanga zirlai nunna chan ta te chu sorkar-in zangnadawmna a pek tur thu Court hnenah hian a hrilh a. Thil tul ang buaipuina atan thla thum (3) hun an mamawh tur thu a sawi a. Court chuan a dil angin thla (3) hun a pe bawk.

Court-in FIR zawng zawng a thiah tak avangin leh, zangnadawmna pawh sorkar-in a ngaihtuah tur thu an sawi avangin, Coakroach Janata Party aiawha inlan Saurav Das chuan 5th September-a protest neih leh tura an ruahman chu cancel a nih thu Court-ah hian a sawi nghal bawk tih Zalen thu lakna www.jclalnunsanga.in chuan a tarlang.