Aizawl; Nimin khan North East Students’ Organisation(NESO) leh Mizo Zirlai Pawl(MZP) buatsaihin I&PR Conference hall-ah North East Consultation Meeting on Human Rights with emophasis on Armed forces Special Power Act(ASPA) neih a ni a. He hun hi Pu Ricky Lalbiakmawia Finance Secretary NESO in a kaihruai a ni. He huna thusawitu Lalhmachhuana MZP President chuan, “AFSPA avangin Mizo ten tawrhna nasa tak bomb hmanga mipui beih te, kawng hrang hranga sawisak kan tawk a, amaherawhchu heng tawrhna te hi hre rengin tunah Mizoram ah AFSPA hmang tawhlo mahse India hmarchhaka kan unau te tawrhna hi kan hlamchhiah thianglo a, an tawrhna hi kan tawrhpui em em a. MZP te chuan India sorkarin Mizote chunga tawrhna leh bomb hmanga beihna te avangin Mizoram mipui te chungah MZP chuan ngaihdam dil turin India sorkar chu kan phut tlat a ni,” a ti. Samuel Jyrwa, Chairman NESO pawhin, “NESO chuan AFSPA hi a rangthei ang bera paih turin India sorkar hi kan ngen a ni" a ti a. NESO chuan India hmarchhak hmun hrang hrangah hetiang consultation hi neih a ni tawh tih sawiin hmun dangah pawh la tih chhunzawm zel tur a ni a. India te chetna chungchanga Home Ministry in report a siam thinah pawh India hmarchhak aiin Central India ah a tam zawk a, heti chung hian India rama hmundang a hmang duhloin, hmarchhakah an la hmang chhunzawm lui zel a ni, a ti bawk. Ricky Lalbiakmawia, NESO Fin. Secy. chuan, “AFSPA hi reilote chhung atan chauha siam a ni chungin NE States ah chuan kum 50 dawn lai mai hman ani ta a, he dan sakei tlawhchhan hian NE mite chungah nghaisakna leh tihduhdahna mai bakah thihna thlengin nasa takin sipai ten an la thlen reng a, he dan hi democracy nena inkalh tlat a ni na chungin India ram khawvela democracy ram lianber chuan a mite, abikin 3rd class citizen anga a enkawl NE mite chungah ala hmang reng a ni,” a ti.