Aizawl: District Transport Office, Aizawl a Internet chu a chhiat avangin lirthei nei thar ten an lirthei an register thei lo a, an buai hle. Zalen thudawn danin DTO Office internet hi July 14,2015 atang khan a thatloh avangin Delhi nen an inthlunzawm thei lo a, nitin lirthei 100 bawr vel in register duh an awm reng avangin harsatna an tawk ta a ni. Mi thenkhat chuan kalphung hlui ang khan motor hi register leh se, internet that hnuah dan pangngai angin kalpui a, thun that leh ni mai se an duh thu kan palai an hrilh. DTO Office hian driving license erawh an pechhuak reng thung.