Aizawl April 1, 2024 : ZALEN thudawn danin tunhnai khan Kolkata post office ah Aizawl, Mizoram a thawn tur Amphetamine kg 1.68 chu man niin vawiin (1.4.2024) khan Kolkata Narcotics Control Bureau te chuan Amphetamines lo dawngtu tura address neitu K. Lalrinsanga, Tuithiang Veng chu District Court, Aizawl ah transit remand turin ni 5 chhung kawl an dil.

Thudawnnain a sawi danin Amphetamine hi Amsterdam, Netherlands atangin K. Lalrinsanga address a rawn thawn a ni a. Kolkata Post Office chuan he thil thawn hi ringhlelin Kolkata NCB ah report a ni.

Zalen in police atanga thu a dawn danin Amphetamine rawn thawntu zingah hian table tennis player ruihhlo keng tura bumtu kha a tel nia rin a ni bawk a, chhuizui mek a ni.

Kolkata Narcotics Control Bureau lam hian rawn chhuiin, Inrinni (30.3.2024) khan Aizawl an rawn thleng a. K. Lalrinsanga hi Mizoram CID Narcotics te puihnain an man ta a.

District Court, Aizawl- ah hian Kolkata lama hruai thlaka thuzawh fiah Kolkata NCB hian an dil a. Court chuan an dilna lo hnawlin darkar 48 chhung rinhlelh hi Mizoram Narcotic CID lamin an kawl turin Court thutlukna a siam lailawk a ni.