Bayern Munich leh German national team keeper chuan Bild hnenah cancer hneh turin operation vawi thum zet a neih tawh thu a sawi. Nimin khan Manuel Neuer chuan vun cancer enkawla tum thum zet zai a tawh tawh thu a sawi chhuak.

Neuer-a'n vun cancer a hneh
Football inelna chi hrang hrang a trophy awm thei zawng zawng deuhthaw la thei goalkeeper hian German chhuak Bild hnenah he thu hi a sawi chhuak a ni. Kum 36 mi hian a hmaiah vun cancer a vei tih hmuhchhuah a ni a, tunah hian German tennis star Angelique Kerber nen sun cream tihlarna kawngah an thawk dun mek bawk.

Neuer hian Bayern Munich tan title vawi tam tak a chawi tawh a, 2014 khan World Cup a chawi tawh bawk. Tun thla a tan tur Qatar World Cup-ah national team tan ropui zawk a inlan a tum bawk a, Germany ram a la thlah thei lo.