Nov. 20. 2024; Nizan dar 7:30 vel khan Ningngawhluni in, New Champhai, Helipad Biak In mual chu bungraw chuh hman loh in a kang ral.

Ningngawhluni hi a fapa nen chauh an cheng an ni a, he thil thlen lai hi an len chhuah lai anih avangin mihring thi leh hliam an awm lo a ni.

Kangmei chhuah chhan hi hriat a ni lo va, ṭhenawm hnaiin an hriat meuh hi chuan in hi a kang nasa tawh hle a, gas cylinder pakhat a puak bawk. Champhai Fire Station lam chuan kangmei chhuahna hmun hi motor a luh theih loh avangin fire call pawh an dawn mai loh thu an sawi a, anmahni remhriatna in kangṭhelh tur hian an thawk chhuak a ni.

In hi Assam type niin in leh bungraw kang ral hlut zawng hi Rs. 4,36,500 hu vel nia rin a ni.