July 13, 2023; New Market Building satu Lushai Engineer Private Ltd chu chak zawk leh tha zawk a hnathawk turin pawl pali (4) ten na takin an phut.

Nimin khan Mizoram First pawl huaihawtin New Market Bazar sak thar chungchang sawi hona hun Central YMA Committee room,Tuikhuah tlangah hman  a ni a. He sawihona ah hian Mizoram First, Central YMA, New Market Chawhmeh Zuar Joint Association, Mizo Ceement Mistiri Association te an tel.

Joint Press Release hetiang hian an siam :

(Aizawl bazarpui sak mek hi Zofate tan rotlinga sak a nih ngei theih nan heng te hi Contractor-in ti ngei sela kan phut a, he lehkha chhuah atanga ni 30 chhunga tipuitling vek turin kan phut a ni)

1. Hna chak zawka thawh a nih theih nan Contractor hian hnathawktu leh khawl tam zawk dah rawh se.

2. Hna thawh zawh tawh zingah him lo leh tha tawk lo a awm a nih chuan contractor-in siam tha rawh se.

3. Contractor hian hna thawktu vil turin Lushai Engineer hnuaia rawih lai mek Qualified Engineer a hmunah awmchilh tir reng rawh se.

4. Contractor hian he hna viltu tur Qualified Engineer a neihte technical qualification, hming, address leh biak pawh theihna phone number mipui hmuh theih turin hna thawhna hmunah tar lang rawh se.

5. Contractor hian hna thawhna hmunah Detailed Structural Drawing mipui hmuh theih turin tar chhuak rawh se.

6. Contractor hian item hrang hrangte thawh zawh hun tur ziahna Bar Chart / Graphical Work Schedule mipui hmuh theih turin hna thawhna hmunah tar chhuak rawh se.

7. Contractor hian tender leh contract agreement-a he hna thawhna tur hmanrua (Equipments and Machineries) ziah lante mipui hmuh theih turin hna thawhna hmunah tar lang rawh se.

Sawrkar pawh hetiang hi ti turin kan phut a ni : 

1Sawrkar-in nitin hna thawh uluk taka vil leh enpui turin Qualified Civil Engineer dah rawh se.

2. Tuna concrete hna thawh zawh tawh zawng zawng hi Design leh Estimate anga tha leh him tawk a ni ngei em tih third party inspection nei turin Mizoram University / IIT Guwahati sawrkarin sawm rawh se.