Zanin dar 7:30 hian cricket khel thiam ram pahnih India leh New Zealand ten, Dubai International Stadium-ah game pawimawh tak an khel dawn a, he game hi T20 World Cup-a team pahnih tana beiseina siam theitu a ni dawn. Team pahnih te hi Pakistan lakah an tlawm ve ve tawh avangin Pakistan ruala lut ve nih tumin theih tawp an chhuah ngeiin a rinawm. 

Tun T20 world cup-ah hian Pakistan an khel tha hle a, cricket ram tih hial ngam India leh New Zealand an hneh tawh vangin ngaih ngamin an awm thei tawh a, achhan chu an group-a awm Afghanistan, Namibia leh Scotland te hi chu hneh mai tura ngaih an ni. Zanin a inkhel tur India leh New Zealand te pawh hian Afghanistan, Namibia leh Scotland te hi an la hmachhawn dawn a, an vanduai chuan chak lo ve thei tho an ni.

Chutih rualin zanin hian Men in Blue hi Black Caps laka chakna an chang hlauh a nih chuan semifinal luh theihna hun tha tak an nei ve bawk.