Arsenal-in Champions League khel phak tura an beiseina chu nizan khan an hloh a, St James' Park-ah beisei baka khel tha Newcastle lakah sihnih faiin an tlawm. He inkhelah hian Ben White chuan an mahni lamah ti goal-in Guimaraes-a'n a goal hnihna a thun bawk. 

Beiseina sang tak nena mual chhunga lut Gunners hian, game 37 khel tawhin point 66 an nei mek a, table lamah pangana an ni mek. Point thum hlawh chhuaktu Newcastle hian khelh 37 khel tawh thungin point 46 an nei mek thung. Magpies hi table-ah sawmpahnihnaah an awm mek thung.

UCL khel turin Arsenal beiseina leh innghahna a chau tawh hle a, inkhelh vawi khat chiah awm tawhah Frank Lampard-a hote an hneh ngei a ngai dawn a, chumi piah lamah anni aia point hniha sang Tottenham-in table mawng lama awm Norwich an hneh loh a ngai bawk.Kum nga hnua Champions League khelh leh an beiseina chu team dang kutah a innghat ta rih a ni. 

Season bul tana chetha lo Newcastle hi an point hmuh chhoh dan enin an relegate mai dawna ngaih hman an ni a, mah se kumin hian rawnin siam tharin tunah chuan table-ah 12-na hial an rawn ni leh thei a, inkhelh hnuhnung bera an chak a nih phei chuan 10-na nih theihna hun tha tak an nei hial bawk a ni. 

Kawng leh lamah chuan nizan Arsenal tlawm kha Chelsea tan tute tan chuan thil lawmawm tak a ni thung a, inkhelh hnuhnung berah chak lo pawh nise season thar UCL khel turin an tlin chian phah a, an hnuai ami pahnih Spurs leh Gunners te tan umphak ngaihna a awm tawh lo. 

Premier League season khar zan Pathianni lo thleng tur zan dar 8:30 khian Newcastle chu Burnley lamah an zin chhuak anga, Arsenal hian an mualah Everton an hmachhawn thung ang. 

Match Report

7' Ben. White-a'n Yellow Card a hmu. 
9' Guimaraes-a'n free kick a chhuih lut teuh hle a, goal chhungah a lut phak lo deuh. 
23' Saka-a'n tha takin a shot
36' Saint-Maximin-a'n a chhuih goal teuh hle.
46' Nketiah-a'n Yellow Card a hmu
55' Ben White-a'n a lama a ti goal palh. Newcastle 1-0 Arsenal 
63' Wilson-a'n bar a pet khum
72' Wilson-a bawkin bar pet khum lehin a hlauhawm thei hle. 
79' Murphy-a pet a goal teuh hle. 
84' Arsenal goal hnihna Guimaraes-a'n a khung. Newcastle 2-0 Arsenal

Line-ups
Newcastle XI: Dubravka, Callum Wilson, Schar, Burn, Krafth, Almiron, Saint-Maximin, Targett, Joelinton, Guimaraes, S. Longstaff
Subs: F. Fernandez, Ritchie, Trippier, Darlow, Fraser, Lascelles, Gayle, Dummett, J.Murphy

Arsenal XI: Xhaka, M.Elneny, Martin Ødegaard, Tomiyasu, Gabriel, Ramsdale, B. White, Smith Rowe, Nketiah, Nuno Tavares, Saka
Subs: Lacazette, Leno, Cedric, Pepe, A. Lokonga, Martinelli, Z. Swanson, C. Patino, Salah Oulad M'Hand
Arsenal-in UCL an hlat leh ta