Paris Saint-Germain (PSG) superstar Neymar pawh field pawnah a awm mai mai lo tih a lang leh ta - a bialnu Bruna Biancardi chuan an fa pakhatna tur a pai mek. Neymar leh Biancardi te hian nau an pai thu hi social media kaltlangin an tarlang a, lawmpuitu an ngah hle. 

Kum 31 mi Neymar leh Bruna Biancardi (29) te hian Greece-ah chawlh an hmang a, he ta an thlalak hi Instagram-ah pholangin Biancardi dul pawh a puar ve tawh viau. Bruna Biancardi hian nau a pai thu hi May thla khan a lo sawi thawi tawh a, Neymar nen official-in an rawn puang ta a ni. 

Neymar hian a kawppui hmasa Carolina Dantas lakah fapa a lo nei tawh a, a fa pahnihna tur a ni ve tawh tihna a nih chu. A fapa hi Davi Lucca niin kum kum 12 mi lai a ni tawh. 

Carolina Dantas nen an inthen hnu hian Brazilian social media influencer chhe lo zet mai Bruna Biancardi nen hian kum 2021 vel atang khan an in 'date' tan a ni.