DOWNLOAD OUR APP

Read latest news on your phone
app-store

Neymar, Mbappe & Ronaldo ten Pele zahna lantir

Dec 30, 2022

Brazilian forward Neymar chuan, "King Pele hi engkim thlak danglam vek tu a ni," a ti a, France Striker Kylian Mbappe chuan Pele chu "the king of football" tiin Cristiano Ronaldo chuan, "Enna thlentu King Pele" tiin thlahna chibai a buk ve thung..

Brazilian forward Neymar chuan, "King Pele hi engkim thlak danglam vek tu a ni," tiin footballing legend mual liam ta a thlahliam. 

"Pele rawn lan hma kha chuan football kha sports satliah mai a ni," tiin Instagram-ah a post.

"Pele khan engkim a thlak danglam. Football kha art-ah a chantir a, hmuhnawmah a chantir bawk. Mi rethei te an auchhuah theih phah a, a bik takin mihang te tan," a ti.

Neymar chuan, "A nihna takah chuan Brazil tan hawichhuahna kawng a kawhhmuh. Football leh Brazil te dinhmun a san phah. King chungah lawmthu ka sawi! A kal tawh, mahse, a magic hi chu a la kal zel ang," a ti bawk.

France Striker leh PSG-a Neymar-a team-mate Kylian Mbappe chuan Pele chu "the king of football" tiin "A ropuina hi theihnghilh a ni tawh lo ang," a ti.

Cristiano Ronaldo chuan, "Enna thlentu King Pele thlahna chibai kan bukna hi tun dinhmuna football dahtu thlah nan hian a tawk zo ngai lo ang. Mi a duhsakna zozai te hi ka tan theihnghilh theih a ni tawh lo ang. Football hmangaihtute tan chuan theihnghilh theih a ni tawh lo ang," tiin a thlah ve bawk.

Brazilian football legend Pele chu kum 82 mi niin an ram huna December 29, 2022 khan kum khat dawn Kal lam thatlohna a neih hnuah a boral. September 2021-khan a colon concer chu Albert Einstein Hospital, Sao Paulo-ah zai a ni a, he hospital-ah vek hian November 2022 khan dahluh leh a ni a, hetah hian a hun tawp a hmang zui ta a ni. 

Pele hi khawvela goal thun hnem bera chhal niin inkhel tum 1,363-ah inlanin goal 1,281 a thun a, hei hi world record-a chhal a ni. Kum 21 chhung football hi khelin ram tana inkhel tum 92 hmachhawnin goal 77 ran tan hian a thun.

World Cup tum thum chawi thei awmchhun niin, 1958, 1962 leh 1970 khan trophy a chawi a, Kum 2000 khan Fifa Player of the Century atan thlan a ni.

Share now