Black Sabbath star Ozzy Osbourne chu kum li hnuah US-ah a perform leh dawn a, NFL team Los Angeles Rams chuan season thar kick-off an neih turah inan turin an sawm. English rocker hi taksa hrisel lohna avangin hun eng emaw chen chu dawh sanah a inlan tawh lo a, zia awm lam a pan chho leh mek. 

Los Angeles Rams hian September 8 hian SoFi Stadium, Inglewood, California-ah season kick-off an nei dawn a, half-time show-ah Ozzy Osbourne hi a perform dawn a ni - Rams hian an match hmasa berah hian Buffalo Bills an hmachhawn ang. 

Kum 73 mi Ozzy Osbourne hian album thar a buaipui mek a, September 9 hian a tlangzarh dawn. A album thar tur hi 'Patient Number 9' tih a ni a, a tlangzarh hma ni chiahin US lamah a perform dawn tihna a nih chu. 

Ozzy hi kum 2019 khan AMA Award-ah a perform a, hemi hnu hian US-ah a inlan leh tawh lo. AMA Award-ah hian Post Malone hla hit 'Take What You Want' chu Travis Scottte te nen an perform ho a ni. 
Ozzy hi UK-a Commonwealth Games neih zawh takah pawh khan a inlan a, hemi tur hian tour a neih tur thu a puang nghe nghe a nih kha.