Aizawl April 15, 2023 : Fisheries Department-in Forest Department, Tourism, Mizoram Angling Association leh Dapchhuah YMA te puihnaa an huaihawt Tut lui-a Nghakuai khaia inelnaah ni hnih chhungin Rs. 19,39,000/- a lut.

Zirtawpni khan Fisheries Minister K. Lalrinliana, chuan khuallian niin he Nghakuai inchiahsiak hi a hawng a. Vawiin khan a kharna leh lawmman semna neih a ni.

Nihnih chhunga inelna hi neih niin registration ti hi an vaiin mi 2770 an ni. Registration hi mi pakhat tan 700 a ni. Intihsiaknaah hian Guwahati atanga Nghakuai khai tura an nupa a lokal Dushyant Bora chu man hnem ber niin Kg. 10.970 manin lawmman pakhatna a la a, a Sangha man zinga a te ho hi a luiah a chhuah leh nghal a ni. 

Pahnihna hi Martosh, Thinghlun niin Kg. 9.240 a man a. Lalparmawia Hmar, Mamit-in Kg. 4.600 manin lawmman pathumna a la bawk. Sangha man tam mi pathumte hnenah hian lawmman ₹10,000/-, ₹7,000/-, ₹5,000/- te hlan an ni.

Dapchhuah YMA te'n luidung an humhalh-a Nghakuai chiah runpuiah hian nihnih chhungin Rs. 19,39,000/- a lut a ni.