ZALEN August 13, 2026: Excise & Narcotics Department, Kumpuan Committee, Sub-Headquarters YMA, Hnahthial leh New Ngharchhip Branch YMA te thawkho chuan Heroin an man. 

Excise & Narcotics Department, Kumpuan Committee Sub-Headquarters YMA, Hnahthial leh New Ngharchhip Branch YMA te thawkho chuan August 12, 2026 (Nilaini) tlai khan New Ngharchhip khaw dai, Ṭiau lui pengah Heroin gram 120 (Hawng 10) leh a neitua puh mi pahnih – MC Lalhuzauva (36) S/o Lalruata, Tarpho khua leh Vanlalpeka (33) S/o Thatlinga, Khawhri khuaa khawsa nia inchhalte an man.

Heng Heroin te hi Myanmar ațanga an lak luh niin, tihral an tum mek lai a ni. 

Heroin vanga mante hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, vawiin August 13, 2026 khan Court-ah hruai nghal an ni.