Aizawl March 28, 2023 : NGO Co-Ordination Committee (CYMA, MUP, MHIP, MZP, MSU) vawiina thukhawm chuan Zokhawsang-ah Assam Rifles te chu insawnchhuak thuai se a duh tih an sawi a. Assam Rifles luah lai ram chhunga felhlel leh dik lo taka L.S.C. lo neite hi a rang thei ang bera ram leh hnam rilru pua an pass (L.S.C.) surrender turin a ngen nawn leh a ni. 

NGO Co-Ordination Committee chuan Mizo mipuite tana he lai hmun hi a awm zui zel theih nan tuna pass lo neitu te pawh a rang thei ang berin sawrkar-in cancell sak turin  chuan a ngen nghal bawk a ni.

Assam Rifles chhuahsan tur ram hi mipuite tana tangkai thei ang bera hman  anih theih nan NGO Co-Ordination Committee chuan Mizoram sawrkar-in hma la turin a ngen a, a tul angin sawrkar tawiawm zel an inhuam bawk.