Aizawl: Pawl hrang hrang YMA, MUP, MHIP, MZP leh MSU telna NGO Coordination Committee nimin Central YMA Office a thukhawm chuan hnamchhan hnatlang November 6&7, 2018-a neih zawh takah NGO thil phutte a hlawhtlin theih nana Mizoram hmun hrang hranga hnatlanga thawkchhuakte chungah leh tawngtaia Pathian hnena hlantu zawng zawngte chungah lawmthu an sawi. NGO hruaitute chuan ni 28.11.2018-a Mizoram MLA inthlanpui kan hmachhawn turah dik leh felfai taka kalpui a nih theih nan, Political Party zawng zawngte thianghlim taka hma la turin an ngen a. Election Commission of India leh Mizoram People Forum pawhin rem an tih loh, vote thlak tur a mipui phurhkhawm a awm loh nan Candidate leh Party a thawktute insum vek turin an ngen a. Abik takin, Tripura Transit Camp-a awm Tuikuk vote thlak turte phurkhawm lo tur leh an veivahna tur ruahmanna siam sak lo turin Political Party zawng zawng leh Candidate-te an hriattir bawk.